材料:
白萝卜1条
纯天然蜂蜜1瓶
做法:
1. 将萝卜去皮洗净
2. 抹干萝卜上慨水份
3. 将萝卜切粒
4. 将萝卜粒放入玻璃瓶内,不要放满,一半就可以
5. 倒入蜜糖,不驶盖过晒的萝卜粒,以瓶慨一半为界线
6. 用匙羮轻轻搅拌后,扭盖封口
7.跟住就成瓶放入冰箱冷藏约5小时~
只是用了半条萝卜+半瓶蜜糖~
搞掂之后,包好保鲜纸,放埋入雪柜冷藏~由于时间关系,5个钟已经过去喇!XD
见不见到冷藏前(左)同冷藏后(右)慨分别这?的萝卜粒缩了水,释出了萝卜水,所以蜜糖看起上来多了,亦都变稀了~
从上望落去分别会大的,冷藏前(上)明显见到晒的萝卜粒响蜜糖之上,冷藏后(下)就沉晒落去蜜糖水度喇!
哗!开盖慨一刻,涌出强烈萝卜气味,好想快啲试下味呀!
食用方法:
1. 倒出半杯萝卜蜂蜜水
2. 加半杯暖水稀释
3. 搞掂!话咁快就饮得喇!
偏方老少咸宜,无论大人、小朋友都啱饮㗎!我哋唔客气喇!
饮完一杯已经觉得喉咙舒服咗~
除咗饮蜜糖水之外,食埋啲萝卜粒功效仲好呀!
我觉得萝卜粒味道就好似腌渍萝卜,脆卜卜,几得意!
但晴朗就唔系几识欣赏喇!上面第3幅图已经可以讲明一切~XD
不过渠哋都好钟意蜜糖水慨味道,好快就饮完一杯。我都觉得好清甜,几好饮!^^
一日饮4-5次,夜晚瞓觉已经冇再咳喇!第二日再饮多一杯,咳就好番晒!好神奇呀!
白萝卜对气管好,可谓蔬菜人蔘!品味辛甘,可用于治疗多种疾病。既可理气化痰、生津止咳,亦可补肾益气,缓解咳嗽。而蜂蜜味甘,具有补中缓急、润肺止咳、润肠燥、解毒、美容养颜等功效。二样加埋一齐,可以话系治疗咳嗽慨绝世秘方呀!
白萝卜蜂蜜水可治喉痛声沙、咳嗽气喘、支气管炎等症状。如果干咳、痰咳、夜睡咳、喉咙干或喉咙痛,不仿试试!寒热咳都饮得!上网查过,原来日本人都好兴用呢种方法止咳。不过要明白每个人体质唔同,未必对个个人都会产生效用。如果有效,饮一两次已经明显咳少咗㗎喇!咁简单易整,就算去旅行咳起上嚟都可以即刻买材料整嚟饮啦!既方便又有功效,实行要常备一樽看门口呀!
小贴士:
– 一定要用纯正天然蜂蜜
– 浸制慨器皿要用玻璃樽,唔好用胶樽
– 饮慨时候加暖水就得,如果用太热慨水会破坏蜂蜜慨营养– 偏方具有润肺功效,老人家或慢性支气管炎慨人饮用效果更为显著
– 1岁或以下幼儿不宜食用蜂蜜,可以麦芽糖取代蜂蜜
– 不建议孕妇饮用,因为饮过多蜂蜜水可能会导致体温下降,怕会影响埋bb
– 放雪柜,可保存1-1.5个月。如果想期限耐一啲,加多啲蜂蜜可存放两个月
坊间慨止咳化痰方法都好多,好似陈皮水、洋葱水、蒜头水、川贝炖雪梨、炖枇杷…其实久咳真系好折磨人,尤其系小朋友一咳,妈妈慨心就离一离。希望今次介绍呢个小偏方可以帮到大家啦!
原创文章,作者:Bee-spirit,如若转载,请注明出处:https://www.beefairy.com/3845.html